Baza Eksperimentale e ARFA sh.p.k

Firma “ARFA” është duke u përfshirë në aktivitetin e farërave (eksperimentim, prodhim, tregtim) me synimin që të kontribuojë në rigjallërimin e aktivitetit privat të prodhimit dhe tregtimit të tyre në Shqipëri. Ajo do të synojë të bëhet modeli i këtij aktiviteti.

“ARFA” do të jetë besimi e shpresa e fermerëve shqiptarë. Aktualisht është në një fazë studimore e përgatitore për ngritjen e hallkave për ushtrimin e këtij aktiviteti në ndihmë të fermerëve shqiptarë kryesisht të Myzeqesë si fillim dhe pastaj edhe me gjërë. Për këtë arsye ajo po bashkëpunon me institucione prestigjoze jashtë vëndit, (Itali), për të marrë eksperiencën e tyre bashkëkohore.

Një nga aktivitetet në këtë fazë përgatitore është testimi i variateteve të grurit dhe i hibrideve të misrit, i seminareve me fermerë prodhues të grurit e misrit, si dhe të prodhimit të sasirave të vogla të farës për testimin në prodhim të gjerë.

Motoja e punës tonë do të jetë:
“mos përhap një kultivar pa e eksperimentuar dhe pa u siguruar që ky është më i miri”

Motoja e punës është eksperimento dhe përcakto se cili kultivar është më i mirë, që fermeri të arrijë rezultate të larta, që t’i shpërblehet sa më shumë puna që bën.

ARFA ka ndërtuar një bazë eksperimentale në Toshkëz të Lushnjës. Krahas saj do të ndërtojë lidhje organike me fermerët për të ndërtuar një aktivitet të përbashkët dhe permanent.